მარკეტინგული დანახარჯების ეფექტიანობა

 
დღესდღეობით საქართველოში რამდენიმე სექტორში არსებული კონკურენცია კომპანიებს მარკეტინგის ბიუჯეტების შეჯიბრისკენ უბიძგებს. შესაბამისად, რამდენიმე გამოწვევა ჩნდება: 1) გამოწვევა მარკეტერებისათვის - გაანაწილონ მარკეტინგის ბიუჯეტი  ყველაზე ეფექტიანად დღესდღეობით არსებულ უამრავ არხს და ქვე-არხს შორის  2) გამოწვევა აღმასრულებელი და ფინანსური დირექტორებისათვის - შეადარონ მარკეტინგში დახარჯული ფული სხვა მიმართულებით განხორციელებულ ინვესტიციას;  სხვა სიტყვებით, როგორ გაიგონ თუ რა არის კომპანიის მიერ მარკეტინგში დახარჯული ფულის უკუგება? 
 
ჩვენი პროდუქტი - მარკეტინგული დანახარჯების ეფექტიანობის შესწავლა – ეხმარება კომპანიებს, რომ აღნიშნულ ორ გამოწვევას წარმატებით უპასუხონ.  კომპანიის მარკეტინგული დანახარჯების შესახებ და ასევე ძირითადი საოპერაციო შედეგების (KPI) ისტორიულ მონაცემებზე დაყრდნობით, ჩვენ განვსაზღვრავთ ეკონომეტრიკულ ურთიერთმიმართებებს და ვავითარებთ მოდელს, რომელიც შემდეგ კითხვებზე პასუხობს:
  •  როგორია ინდივიდუალური მომხმარებლის საშუალო ღირებულება მთელი მისი ციკლის განმავლობაში (customer lifetime value - ანუ მომხმარებლისგან მომავალში მისაღები შემოსავლების მთლიანი ჯამი) კომპანიისათვის?
  • რომელი არხები იყო ყველაზე ეფექტიანი მომხმარებლის მთლიანი ჯამური ღირებულების გაზრდის თვალსაზრისით დღემდე? 
  • როგორია სხვადასხვა არხების ფარდობითი ეფექტიანობა ამ ღირებულების გაზრდის თვალსაზრისით?
  • და ბოლოს, როგორ უნდა გადანაწილდეს მარკეტინგულოი ბიუჯეტი, რათა იყოს უფრო ეფექტიანი. კერძოდ,  მოგვიტანოს დანაზოგი -  მივაღწიოთ იგივე შედეგებს უფრო ნაკლები დანახარჯით ან ვიყოთ უფრო ეფექტიანი - იგივე დანახარჯით მივაღწიოთ უფრო მეტს?
აღნიშნული საკონსულტაციო პროდუქტი წარმატებით გამოყენებულა სხვა ქვეყნებში და მისი მეშვეობით კომპანიებს 30%-მდე დანაზოგის მიღწევის შესაძლებლობა ქონდათ.